Jee, musa geltoniejė ončioka, pabiegė nu muotėnas vėštas, pamosikava ronkeliemis sparneles, pakarpė uora tuom letenelėms, pakarkė sava balseles - i taibova vėskas, lėka tik lauktė balsoutuoju maluonės. Nu, bet muotėna vėšta ėrgė davė, da i potėna laiva atsėvežė. Ta matuoma dalis telefuonu maigiituoju ėšsėgonda, ka tėkra iš laiva kareive naėšlėpto, ė dėltuo nobalsava už rusus.
Vo tep veizont, ta gera ka ončiokams pėrms numeris iškrėta, je anei butu maivėsės po kėtu keitu gropiu, kažėn a anu toncės butu atsėlaikė ka ė priš tus kroatus, ten žyme daugiau energijės ir prasmies bova. Saka, ka finalė ončioka išstuos ontruo pusie, jau priš gala. Ta vo, Euruopas liaudis jau bus apsvaigosi nu kitu gropiu šuokiu ė dainu, ta i ončiokus jau veizies bėškė pavargė, vo tas jau bus bluoga, gal i ož dvėdešimtoka lėktė, napadies ni ta kuovida vakcėna i "bruolėškas" valstybės išvežta, nes tuoki Moldavėjė, ė ta pati Ukraina už rusus vėsteik balsous.